රවී සිරිවර්ධන යනු වරෙක රාජ්‍ය සාහිත්‍ය සම්මානයෙන් ද වරෙක රාජ්‍ය සංගීත සම්මානයෙන් ද ජපන් රජය විසින් පිරිනමන බුන්කා සම්මානයෙන් ද පිදුම් ලැබූ ප්‍රවීණ කාව්‍ය රචකයෙකි. කවියෙකි. 2010 වසරේදී ඔහු නිකුත් කළ "වසත් කාලය" නම් වූ ප්‍රථම ගේය පද සරණියට ම රාජ්‍ය සාහිත්‍ය සම්මානය හිමි විය. විසිපස් වසක් පුරා ඔහු ලියූ ගී නොමද රසික - විචාරක පැසසුමට පාත්‍ර වී තිබේ. 2023 වසරේදී ඔහුගේ දශකද්වයක ගීතාවලිය විචාර ලිපි මාලාවක් ලෙස "මේ ගමන" නමින් රුවත් මාපලගමගේ සංස්කරණයෙන් නිකුත් විය. මේ ඔහුගේ තෙවැනි ගේය කාව්‍ය සංග්‍රහයයි. මෙම කෘතිය ගේය කාව්‍ය සහ කාව්‍ය අතර වන මාධ්‍යයික වෙනස පිළිබඳ සැකසුණු සාරවත් නිබන්ධනයකින් ද සමන්විත වේ. එය ගීත රචනයෙහි නිරත " නව පරපුරට මේ මාධ්‍ය දෙකෙහි අවබෝධයෙන් ඇවිද යාමට ඉවහල් වනු ඇත.